Kórsetilgen aqshalaı qarajatty áıel adam óz qajettilikterine jumsaǵan
Almaty kólik prokýratýrasy býhgalterlik materıaldardy zerdeleý barysynda "QTJ-Júk tasymaly"-"Almaty júk tasymal bólimshesi" fılıalynyń laýazymdy tulǵasynyń asa iri mólsherde aqsha qarajatyn urlaý faktisi anyqtady, dep habarlaıdy Almaty-akshamy.kz.
Baspasóz qyzmetiniń málimetinshe, máselen, "K" laýazymdy tulǵasy fılıal qyzmetkerleri bolyp tabylmaıtyn adamdardyń banktik shottaryna 82 mln teńgeden astam somany aýdarǵan.
Kórsetilgen aqshalaı qarajatty áıel adam óz qajettilikterine jumsaǵan.
"Atalǵan fakt boıynsha materıaldar ekonomıkalyq tergeý organdaryna prosestik sheshim qabaldaý úshin joldanyp, Qylmystyq Kodekstiń 189-baby 4-bóligi 2-tarmaǵyna sáıkes, sotqa deıingi tergep-tekserý bastalǵan, ıaǵnı asa iri mólsherde kinálige senip tapsyrylǵan bóten múlikti ıemdenip alý nemese talan-tarajǵa salý boıynsha", - delingen habarlamada.
17 aqpandaǵy Almaty qalasy Almaly aýdandyq sotynyń úkimimen "K" laýazymdy tulǵasy kináli dep tanylyp, 5 jyl merzimge materıaldyq jaýapty laýazymdarǵa ornalasýǵa baılanysty qyzmetpen aınalysý quqyǵynan aıyryla otyryp shartty túrde 7 jylǵa sottaldy.
Úkim zańdy kúshine endi.
Keltirilgen materıaldyq zalal tolyǵymen óteldi.