Keshe Ulttyq tasymaldaýshynyń poıyzdarynda jolaýshylar úshin Orazanyń alǵashqy kúni jaıly ótti.
Poıyz jolserikteri jolaýshylardy jyly qarsy alyp, olarǵa qurma men sý bótelkelerin taratty. Bul aksıa «Jolaýshylar tasymaly» AQ barlyq poıyzdarynda ótkizildi, dep habarlaıdy almaty-akshamy.kz.
Ulttyq tasymaldaýshy Ramazan aıynda jolaýshylarǵa bir-birine túsinistikpen qarap, ashýlanbaýdy, otyrǵan orynda tazalyqty saqtaýdy, sondaı-aq, densaýlyqqa muqıat qaraýǵa keńes beredi. Oraza ustaǵan jandarǵa saıahat kezinde álsizdik sezinbeý úshin sapar aldynda dárigerge qaralý kerektigin eskertedi.
Sonymen qatar, Ramazan aıynda poıyzdardaǵy vagon-meıramhanalar arnaıy jumys kestesine aýysady.
Vagon-meıramhanalar kúndelikti 8:00-den 24:00-ge deıin jumys isteıdi. Oraza tutqan jandarǵa yńǵaıly bolý úshin meıramhanalar sáresi ýaqytynda tańǵy saǵat 03:30-dan 05:00-ge deıin ashyq bolady.
Vagon-meıramhanalarda jolaýshylarǵa sý men qurma tegin beriledi.
«Jolaýshylar tasymaly» AQ barlyq musylmandardy qasıetti Ramazan aıynyń bastalýymen shyn júrekten quttyqtaıdy! Ustaǵan Orazalaryńyz ben nıetterińiz qabyl bolsyn!
