Qasıetti Ramazan aıynda Ulttyq tasymaldaýshynyń poıyz jolserikteri jolaýshylarǵa erekshe qurmet kórsetýde.
Barlyq baǵyttar boıynsha jolaýshylarǵa qurma men sý tegin taratylýda, dep habarlaıdy aqshamnews.kz.
Rail-news.kz málimetine saı, vagon-meıramhanalardyń jumysy Oraza ustaýshylarǵa yńǵaıly bolý úshin arnaıy kestege kóshti. Meıramhanalar kún saıyn 08:00-den 00:00-ge deıin jumys isteıdi, al sáresi ýaqytyna oraı 04:00-den 05:30-ǵa deıin ashyq bolady. Bul jolaýshylarǵa tańǵy asty ýaqytyly ishýge múmkindik beredi.
Oraza ustaǵan jolaýshylar úshin 18:00-den 20:00-ge deıin vagon-meıramhanalardaǵy taǵamdarǵa 10% jeńildik qarastyrylǵan. Sondaı-aq, aýyzashar ýaqytynda jolaýshylarǵa sý men qurma tegin usynylady.
Ulttyq tasymaldaýshy barlyq jolaýshylardy ózara qurmet pen túsinistik tanytýǵa, poıyz ishindegi tazalyqty saqtaýǵa jáne densaýlyqtaryna muqıat qaraýǵa shaqyrady.
Jolǵa shyqpas buryn densaýlyq jaǵdaıyn tekserip, dárigerden keńes alý usynylady.
Ulttyq tasymaldaýshy barsha musylman qaýymyn qasıetti Ramazan aıymen shyn júrekten quttyqtap, rýhanı kemeldik pen amandyq tileıdi!