Keltirilgen shyǵyn 127 mıllıon teńgeden asady.
Tergeý pikirinshe, urlanǵan tósemder, shpaldar, relster jáne basqa da taýarlar jaramsyz nemese belgili bir aqaýlary bar jol tóseminiń joǵarǵy qurylymynyń bólikterimen aýystyryldy dep jalǵan málimetpen esepten shyǵarylǵan, dep habarlaıdy Almaty-akshamy.kz Bas kólik prokýratýrasyna silteme jasap.
Bas kólik prokýratýrasynyń úılestirýi boıynsha, Kóliktegi departamenttiń Uıymdasqan qylmysqa qarsy kúres basqarmasy eki jyl boıy temir joldardyń jaǵdaıyn jaqsartýǵa arnalǵan materıaldardy urlaýmen aınalysqan qylmystyq topty áshkereledi.
"Qylmystyq topqa "QTJ "UK" AQ-y Qaraǵandy bólimshesiniń qazirgi jáne burynǵy 17 jumysshysy tartylǵan. Olarǵa polısıa qyzmetkeri qamqorlyq jasaǵan. Aldyn ala eseptelgen shyǵyn 127 mıllıon teńgeden asa somaǵa baǵalandy, bul 800 tonnaǵa jýyq materıaldar", - delingen habarlamada.
Búginde urlanǵan taýarlardyń kópshiligin satyp alýshylary men ornalasqan jerleri, sondaı-aq olardy tasymaldaıtyn júk kólikteri anyqtalǵany aıtyldy.
"Sottyń sanksıasy boıynsha, Jańaarqa jol dıstansıasynyń ýchaske bastyǵy jáne onyń orynbasary, sondaı-aq jelilik polısıa bólimshesiniń bastyǵy tergeý ızolátoryna qamaldy. Tergeý múddesi úshin ózge aqparat QPK-niń 201-babynyń sáıkes jarıalanbaıdy", - delingen habarlamada.