QR Premer-Mınıstri Álıhan Smaıylov Ekonomıkany demonopolızasıalaý jónindegi komısıanyń kezekti otyrysyn ótkizdi, dep habarlaıdy Almaty-akshamy.kz Úkimettiń resmı saıtyna silteme jasap.
Otyrysta keıbir aktıvterdi memleket menshigine berý jáne munaı-gaz salasyndaǵy sharalardy iske asyrý máseleleri qaraldy.
Atap aıtqanda, QR Básekelestikti qorǵaý jáne damytý agenttiginiń derekteri boıynsha, Almaty oblysyndaǵy komersıalyq kólik-logıstıkalyq kompanıalardyń biri aıryqsha jaǵdaıyn paıdalanyp, 2021 jylǵy sáýir men jeltoqsan aralyǵynda shamamen 4,3 mlrd teńgege monopolıalyq tabys tapqan. Kompanıaǵa qatysty sotqa deıingi tergeý júrgizilip jatyr.
Bıyl qazan aıynda jekemenshik uıym basshylyǵy enshiles JSHS-degi qatysý úlesiniń 100%-yn memleketke syıǵa berý týraly ótinish túsirdi.