QR Úkimeti aýyl sharýashylyǵy taýaryn óndirýshilerge qoldaý kórsetý úshin rezervten 30 mlrd teńge bóldi.
Premer-Mınıstr Álıhan Smaıylov tıisti qaýlyǵa qol qoıdy. Bul shara mal ósirýshiler aldyndaǵy sýbsıdıalar boıynsha bereshekti óteýge múmkindik beredi, dep habarlaıdy Almaty-akshamy.kz Primeminister.kz-ke silteme jasap.
Qujatta Aýyl sharýashylyǵy mınıstrligine Abaı, Jetisý, Aqmola, Almaty, Shyǵys Qazaqstan, Jambyl, Batys Qazaqstan, Mańǵystaý, Pavlodar jáne Soltústik Qazaqstan oblystarynyń búdjetterine asyl tuqymdy mal sharýashylyǵyn damytý, ónimdilik pen ónim sapasyn arttyrýdy sýbsıdıalaýǵa nysanaly transfertter túrinde 30 mlrd teńge bólý týraly jazylǵan.
Osy qaýlynyń qosymshasyna sáıkes, Aqmola oblysynyń ákimdigine eń kóp qarajat – 7,8 mlrd teńge bólindi. Jambyl oblysyna 5 mlrd teńge, SHQO-ǵa 4,5 mlrd teńge, BQO mal ósirýshilerine 1 mlrd teńge baǵyttaldy.
Aýyl sharýashylyǵy mınıstrligine qajetti sharalardy qabyldaý, al Qarjy mınıstrligine bólingen qarajattyń maqsatty paıdalanylýyn baqylaý tapsyryldy.
Jalpy bıyl agroónerkásip keshenin sýbsıdıalaýǵa Úkimet barlyq kózderden 494 mlrd teńge bóldi. Jaqyn arada ınvestısıalyq sýbsıdıalaýǵa jáne nesıeler men lızıń boıynsha paıyzdyq mólsherlemeni sýbsıdıalaýǵa qosymsha 30 mlrd teńge bólý josparlanyp otyr.