IFC jumys isteıtin memleketterde birlesken jobalarǵa jeke kapıtaldy tartý maqsatynda úkimetke keńes beredi.
Búgingi tańda Korporasıa 120 memlekette 500-ge jýyq jobany iske asyrdy, dep habarlaıdy Almaty-akshamy.kz Sý jáne ırrıgasıa mınıstrligine silteme jasap.
Mınıstr óz kezeginde jerasty sýlaryn zertteý jáne barlaý tájirıbesi bar ınvestorlarmen seriktestik ornatýǵa nıetti ekendigin bildirdi. Sondaı-aq, Nurjan Nurjigitov jańa sý qoımalary men sýarý júıeleriniń qurylysy boıynsha yntymaqtastyq múmkindigin qarastyrýdy usyndy.
IFC ókilderi Korporasıa ınvestorlardy tartý boıynsha konsýltasıadan bólek, strategıalyq josparlaý máselesinde de kómek kórsetetinin habarlady. Tanysý maqsatyndaǵy kezdesýdiń qorytyndysy boıynsha taraptar sý salasy mamandarynyń qatysýymen odan ári talqylaý ótkizýge kelisti.
«Kóptegen máseleler boıynsha bizdiń ustanymdarymyz saı keledi. Jobalardy ýaqtyly jáne sapaly iske asyrý ǵana emes, sonymen qatar, aıaqtaǵannan keıin olardyń ómirsheńdigin qamtamasyz etý mańyzdy. Sý salasynda úlken tájirıbesi bar ınvestorlardy tartý gıdrotehnıkalyq qurylystardy jáne basqa da mańyzdy ınfraqurylymdy rekonstrýksıalaý men jańǵyrtýdy edáýir jedeldetedi»,- dedi Sý resýrstary jáne ırrıgasıa mınıstri Nurjan Nurjigitov.