Qasym-Jomart Toqaev Qazan qalasyna keldi, dep habarlaıdy Memleket basshysynyń baspasóz hatshysy Berik Ýálı Feısbýktegi paraqshasynda.
«Memleket basshysy Qazan qalasyna keldi. Tatarstan astanasynyń halyqaralyq áýejaıynda Prezıdent Qasym-Jomart Toqaevty Respýblıka basshysy Rýstam Mınnıhanov qarsy aldy.
Jumys sapary barysynda Qasym-Jomart Toqaev Qazan Kremliniń kórikti jerlerin aralap kóredi jáne Tatarstan Prezıdentimen kezdesý ótkizedi. Sonymen qatar respýblıkanyń ózge qalalarynda ornalasqan «KamAZ» jáne «Taneko» sıaqty iri kásiporyndarynyń jumysymen tanysady», - dep jazdy ol.