Memlekettik kúzet qyzmetiniń Prezıdenttik orkestri Túrkıanyń Býrsa qalasynda ótip jatqan İİ halyqaralyq áskerı orkestrler festıvalinde óner kórsetti.
TÚRKSOI halyqaralyq uıymy ótkizgen sharaǵa túrkitildes 5 eldiń ónerpazdary qatysyp jatyr. Olar shahardaǵy tarıhı jerlermen júrip ótip, qala halqyna óner kórsetti. Al keshkilik gala-konsertte ulttyq jáne patrıottyq áýender oryndaldy, dep habarlaıdy Almaty-akshamy.kz.
Qazaqstan Prezıdenttik orkestriniń túrli janrdaǵy ónerimen qatar jaýyngerlik sap túzeýi de kórermendi tánti etti. Osman ımperıasynyń tuńǵysh astanasy Býrsa bıyl túrkitildes elderdiń mádenı astanasy bolyp jarıalanǵan edi.
«Jergilikti halyq bizdi ystyq yqylaspen qarsy aldy. Bizben ózge elderdiń kásibı ónerpazdary da qoıylymyn kórsetti. Prezıdenttik orkestrimiz buǵan deıin «Spaskaıa bashná», «Bremen tatý», «Berlın tatým» atty álemdik deńgeıdegi sharalarǵa qatysqan bolatyn. Degenmen Túrkıaǵa alǵash ret kelip turmyz», - deıdi QR Memlekettik kúzet qyzmeti Prezıdenttik orkestriniń dırıjeri Qurmet Beısembaev.
«Qazaqstandyq orkestrdiń qoıylymy barysynda kóne túrkilerdiń áskerı rýhyn sezindik. Ózimdi bir attyń ústinde jaýǵa shapqandaı elestettim. Áserimdi sózben aıtyp jetkize almaımyn», - deıdi kórermen Samet Tahmısoǵly.