Aqparat salasynda jumys isteý – úlken mártebe ári zor jaýapkershilik
Memleket basshysy Qasym-Jomart Toqaevtyń Buqaralyq aqparat quraldary qyzmetkerlerin kásibı merekesimen quttyqtady, dep habarlaıdy Almaty-akshamy.kz Aqordanyń resmı saıtyna silteme jasap.
Qurmetti jýrnalıser!
Buqaralyq aqparat quraldarynyń qyzmetkerleri!
Sizderdi kásibı merekelerińizben shyn júrekten quttyqtaımyn!
Aqparat salasynda jumys isteý – úlken mártebe ári zor jaýapkershilik. Otandyq baspasóz elimizdiń tutastyǵy men tatýlyǵyn nyǵaıtý jolynda eleýli ról atqarady. Sóz ónerin qasıet tutyp, abyroı bıiginen kórinip júrgen kásibı jýrnalıserimiz az emes. Olar eseli eńbegimen oqyrmannyń, kórermenniń alǵysyna bólenýde. Bul – el ıgiligi jolyndaǵy adal ári qajyrly eńbekterińizge berilgen baǵa.
Búginde áleýmettik jelilerde, ınternette jalǵan aqparat kóbeıip ketkenin kórip otyrmyz. Osyndaı kúrdeli jaǵdaıda sizderdiń shynaıy ári synı kózqarastaryńyz túrli keleńsizdikke tosqaýyl bolar edi. Qazir qoǵamdaǵy basymdyqtar ózgerip jatyr. Kásibı jýrnalıser qyzmetiniń mańyzy arta tústi.
Biz Jańa, Ádiletti Qazaqstandy qurýǵa kiristik. Bul – barsha otandasymyzdyń aldynda turǵan mańyzdy mindet. Sizderdiń maqalalaryńyz ben sújetterińiz, jýrnalısik zertteýlerińiz osy bastamaǵa úles qosary sózsiz. Sondyqtan naǵyz kásibı mamandardyń eńbegin laıyqty baǵalaýdyń sımvoldyq máni bar.
Mirjaqyp Dýlatulynyń «Qaı jurttyń baspasózi myqty bolsa, sol eldiń ózi de kúshti» degen tujyrymy búgin de barynsha ózekti. Elimizdiń aqparattyq qaýipsizdigi men ıdeologıalyq derbestigin saqtaý úshin otandyq jýrnalıserdiń Qazaqstanda jáne álemde bolyp jatqan úderister týraly óz kózqarasy bolýy kerek. Biz qoǵamǵa úlgi-ónege kórsetip, memleket isin ilgeriletýge atsalysýymyz qajet. Óıtkeni halyqtyń senimin aqtaý – azamattyq boryshymyz.
Biz tatýlyq pen birlikti saqtaı otyryp, Jańa Qazaqstandy qurý jolynda jańa belesterdi birge baǵyndyratynymyzǵa senemin.
Barshańyzǵa shyǵarmashylyq shabyt, tolaǵaı tabys tileımin!