İİ dárejeli «Aıbyn» ordeni berildi.
QR İshki ister mınıstri Erlan Turǵymbaev 2021 jylǵy 20 qyrkúıekte qyzmettik mindetterin atqarý kezinde qaza tapqan Almaty qalasy Polısıa departamentiniń eki qyzmetkeriniń otbasylaryna memlekettik nagradalardy tapsyrdy. Bul týraly Almaty-akshamy.kz QR İshki ister mınıstrliginiń baspasóz qyzmetine silteme jasap habarlaıdy.
«Bizdiń áriptesterimiz, polısıa maıory Darhan Súleev pen polısıa kapıtany Nurbol Baıǵazıev qyzmettik mindetin adal atqaryp, áriptesterine úlgi bolyp, bolashaqqa jospar qurdy. Olardyń ómirin qıǵan qaıǵyly oqıǵa barlyq qazaqstandyqtardy dúr silkindirdi», - dep atap ótti İİM basshysy.
Ýchaskelik polısıa ınspektorlary Darhan Súleev pen Nurbol Baıǵazıev qaza tapqan soń Prezıdent Qasym-Jomart Kemeluly Toqaevtyń Jarlyǵymen İİ dárejeli «Aıbyn» ordenimen marapattaldy.
«Búgin men Memleket basshysynyń tapsyrmasy boıynsha olardy tapsyrý úshin keldim», - dep atap ótti mınıstr Erlan Turǵymbaev.
Ol ishki ister organdarynyń qyzmetkerleri árdaıym qylmysqa qarsy kúreste jáne azamattardyń qaýipsizdigin qamtamasyz etýde aldyńǵy qatardy júretinin atap ótti.
«Polıseılerdiń kúndelikti jumysy ómir men densaýlyqqa qaýip tóndiredi. Syn jaǵdaılarynda birneshe sekýnd ishinde olar jaýapty sheshimder qabyldaýǵa májbúr»,-delingen habarlamada.