Bıylǵy 11-12 qyrkúıeginde Reseı Federasıasymen shekarada ornalasqan Batys Qazaqstan oblysynyń Temir jol fıtosanıtarıalyq baqylaý beketinde 8 vagon bıdaı tabylyp, Reseı Federasıasyna qaıtaryldy.
526 tonna Saratov jáne Týla oblystarynan Shymkent qalasyna jetkizildi, dep habarlaıdy aqshamnews.kz Aýyl sharýashylyǵy mınıstrligine silteme jasap.
Bul jumysty ósimdikter karantıni jónindegi memlekettik ınspektorlar QR UQK SHQD "Jaıyq" shekaralyq baqylaý bólimshesiniń áskerı qyzmetshilerimen birlesip júrgizedi.
Esterińizge sala keteıik, ishki naryqty qorǵaý jáne Astyqty keri eksporttaý faktilerin boldyrmaý úshin 2024 jylǵy 26 shildede syrtqy saýda saıasaty jáne Halyqaralyq ekonomıkalyq uıymdarǵa qatysý máseleleri jónindegi vedomstvoaralyq komısıanyń otyrysynda tranzıtti qospaǵanda, úshinshi elderden jáne EAEO elderinen Qazaqstan aýmaǵyna kóliktiń barlyq túrlerimen bıdaıdy ákelýge tyıym salýdy engizý týraly sheshim qabyldandy