Jańa basshy osy ýaqytqa deıin QR Densaýlyq saqtaý mınıstrligi Jobalyq keńsesiniń basshysy qyzmetin atqarǵan.
QR Densaýlyq saqtaý mınıstriniń buıryǵymen Batyrbek Sultanuly Ábdildın Qazaqstan Respýblıkasy Densaýlyq saqtaý mınıstrligi apparatynyń basshysy laýazymyna taǵaıyndaldy, dep habarlaıdy Almaty-akshamy.kz QR DSM baspasóz qyzmetine silteme jasap.
Batyrbek Ábdildın 1982 jyly Qostanaı oblysynda dúnıege kelgen.
A. Baıtursynov atyndaǵy Qostanaı memlekettik ýnıversıtetin, Ortalyq Azıa ýnıversıtetin támamdaǵan, Densaýlyq saqtaý menedjeri (Sıngapýr)
Eńbek jolyn 2001 jyly Qazaqstandaǵy sheteldik komersıalyq uıymnyń ókili retinde bastaǵan.
2002-2005 jyldary - QR Indýstrıa jáne saýda mınıstrliginiń «Qurylys konsaltıń» AQ mamany; memlekettik satyp alý bóliminiń basshysy; dırektorynyń orynbasary.
2005-2009 jyldary jeke uıymdarda basshylyq qyzmetterdi atqardy.
2009-2011 jyldary - «Zamanaýı medısınalyq tehnologıalardy engizý ortalyǵy» RMK memlekettik satyp alý jáne materıaldyq qamtamasyz etý bóliminiń basshysy; dırektordyń orynbasary.
2011-2015 jyldary — «Astana qalasy ákimdiginiń №1 qalalyq aýrýhanasy» MKK bas dárigeriniń orynbasary.
2015-2020 jyldary jeke sektorda eńbek etken.
2018-2019 jyldary - Qazaqstannyń medısınalyq týrızm qaýymdastyǵynyń atqarýshy dırektory.
2020 jylǵy qyrkúıekten bastap qazirgi ýaqytqa deıin - QR Densaýlyq saqtaý mınıstrligi Jobalyq keńsesiniń basshysy.
Qazaq, orys, túrik, aǵylshyn tilderinde erkin sóıleıdi.
Úılengen, 4 balasy bar.