Bokstan Tokıo Olımpıadasynyń qola júldegerleri Qamshybek Qońqabaev pen Sáken Bıbosynov memleketten bólingen 31 mıllıon teńge syıaqyny muqtaj jandarǵa beretin boldy, dep habarlaıdy almaty-akshamy.kz.
Bul oılaryn boksshylar Almatyda ótken Qazaqstan boks federasıasynyń sportshylardy marapattaý rásiminde aıtty. Federasıa tarapynan Sáken Bıbosynov pen Qamshybek Qońqabaevqa jáne olardyń jeke bapkerlerine 50 myń jáne 10 myń AQSH dollary kóleminde aqshalaı sertıfıkattar tabystaldy. Sondaı-aq quramanyń bapkerleri men Olımpıadaǵa qatysqan basqa da boksshylar nazardan tys qalmady. Olar da marapatqa ıe boldy. Sportshylarymyz qysqa merzimdegi demalystan soń kúzde ótetin álem chempıonatyna daıyndyqty bastaıdy.
- Áýesqoı bokstaǵy árbir sportshynyń armany – Olımpıada shyńyn baǵyndyrý. Sondyqtan bul sport emes, biz úshin ómir desem, artyq aıtqandyq emes. Bul jetistik qansha jylǵy eńbektiń, terdiń, bireý bilse, bireý bilmeıdi, sonyń jemisi dep bilemin. Keshe memleket tarapynan bólingen 31 mıllıon (75 myń dollar) teńgeni qaıyrymdylyq maqsatqa jumsaýǵa sheshim qabyldadym, - deıdi bokstan Tokıo Olımpıadasynyń qola júldegeri Qamshybek Qońqabaev.