Evakýsıalanǵandardyń negizgi bóligi óz úılerine oraldy
Qostanaı oblysyndaǵy TJM jedel shtbay tabıǵı órtke qatysty búgin saǵat 8.00-degi derekterdi jarıalady, dep habarlaıdy Almaty-akshamy.kz.
Ondaǵy málimetterge qaraǵanda, eldi mekenderge qaýip joq. Jalyndap janyp jatqan ýchaskeler qalmaǵan, qaldyq ot oshaqtaryn sóndirý jumystary júrgizilýde. Tórt aýmaqta (Amanqaraǵaı, Lesnoe, Ozernoe jáne Baǵanaly aýyldary) qaraýyldaý sharalary uıymdastyrylǵan. Azdaǵan jańbyr jaýǵandyqtan, aýa ylǵaldyǵy kúsheıdi.
«Ozernoe, Lesnoe jáne Amanqaraǵaı aýyldarynda jaǵdaı turaqtaldy. Ozernoe, Amanqaraǵaı aýyldarynda tek lokaldy órt oshaqtarynyń byqsýy baıqalady. Órt sóndirý bastalǵan sátten bastap tikushaqtar áýeden 243 ret sý shashty. Kúshter men quraldar negizgi jumys júrgizetin Baǵanaly aýdandaryna qaıta toptastyryldy, onda jerdi jyrtý jumystaryn júrgizý úshin Qorǵanys mınıstrligi men jergilikti atqarýshy organdardyń ınjenerlik tehnıkasy da jumyldyrylady», - delingen habarlamada.
Órt bastalǵannan beri barlyǵy 2091 adam evakýasıalandy (3 qyrkúıekte Amanqaraǵaı, Ozernoe jáne Lesnoe aýyldarynan - 1841 adam, 5 qyrkúıekte Baǵanaly aýylynan Qazanbasy aýylyna - 250 adam). Áýlıekól orta mektebiniń (21 adam), mektep-ınternatynyń (1 adam), Qazanbasy orta mektebiniń (20 adam) evakýasıalaý pýnktinde 42 adam, onyń ishinde 14 bala bar. Evakýsıalanǵandardyń negizgi bóligi óz úılerine oraldy, qalǵandary týystarynyń úıinde.
«Barlyǵy 91 turǵyn úı zardap shekti: 85-i Amanqaraǵaı aýylynda jáne 6-aýy Ozernyı aýylynda. Ýchaskelerdegi órtti sóndirýge quramynda TJM, İİM UU, Qostanaı qalasyndaǵy akademıasynyń, Qorǵanys mınıstrliginiń, JAO jáne oblystyń komýnaldyq qyzmetteriniń kúshteri men quraldary: 79 birlik tehnıka, 6 áýe kemesi, 2 órt sóndirý poıyzy, jeke quramnan 721 adam tartyldy. 12 adam (7 turǵyn: kámelettik jasqa tolmaǵan bir adam, orman sharýashylyǵynyń 1 qyzmetkeri, ákimdiktiń 1 qyzmetkeri, TJM 3 qyzmetkeri) jeńil jáne ortasha aýyrlyqtaǵy jaraqat, kúıik, ýlaný aldy, 1935 jyly týǵan bir adam qaza tapty», - dep jazdy jedel shtabtan.
4 qyrkúıekte órt aýmaǵy 43 myń gektardan asty, orman sharýashylyǵynyń jalpy aýdany - 107 257 gektar.
TJM jedel jelisi jumys isteıdi, oǵan aqparattyq sıpattaǵy 37 qońyraý tústi. Áýlıekól aýdanynyń evakopýnktinde 7 psıholog shuǵyl psıhologıalyq kómek kórsetedi. Konsýltatıvtik kómek 124 adamǵa kórsetildi jáne toptyq jumys formatymen 45 bala qamtyldy. Órt sóndirý jumystary jalǵasýda.