Ár óńirden tańdaýly 104 bylǵary qolǵap sheberi keldi.
Qostanaı qalasynda bokstan áıelder arasynda el chempıonaty bastaldy, dep habarlaıdy Almaty-akshamy.kz QazAqparatqa silteme jasap.
Óz salmaǵynda myqty ekenin dáleldep, ulttyq qurama sapyna qosylý úshin ár óńirden tańdaýly 104 bylǵary qolǵap sheberi keldi.
Bıylǵy básekege halyqaralyq arenada baq synap júrgen kóptegen boksshy qatysyp jatyr. Máselen, jýyrda Ammanda aıaqtalǵan Azıa chempıonatynyń jeńimpazdary men júldegerleri, Ystanbuldaǵy álem chempıonatynyń, Olımpıada júldegerleri Qostanaı tórinde jarys kórkin qyzdyrýda.
Osyǵan deıin Qazaqstan boks federasıasynyń basshylyǵy men Shámil Safıýllın bastaǵan bapkerler qosyny eshkimge jeńildik jasamaıtynyn, ulttyq quramadaǵy ár oryn úshin talas bárine ortaq ekenin aıtqan edi.
Tek ulttyq qurama qatarynda júrgen Karına Ibragımova Qostanaıǵa kelgen joq. Sebebi, Azıa chempıony, bıylǵy álem chempıonatynyń qola júldegeri 11 jeltoqsanda Halyqaralyq boks asosıasıasy (IBA) ótkizgen alǵashqy «Chempıondar túni» jobasynda judyryqtasty.
Jalpy, chempıonat aıasynda 92 jekpe-jek ótedi. Al eń kóp boksshy 48 kg deıingi salmaqta tirkelgen. Qostanaıdaǵy sharshy alań dodasy 17 jeltoqsanda máresine jetedi.