Áýlıekól aýdanynda prokýrorlar veterınarıalyq anyqtamalardy qoldan jasaǵan, - dep habarlaıdy aqshamnews.kz tilshisi.
Qostanaı oblysynyń prokýratýrasy veterınarıalyq anyqtamalardy qoldan jasaý jáne olardy odan ári ótkizý deregi boıynsha qylmystyq is boıynsha aıyptaý aktisin bekitti.
Tergeý barysynda Áýlıekól aýdanynyń aýmaǵynda turatyn erli-zaıyptylar 2024 jylǵy jeltoqsan men 2025 jylǵy tamyz aralyǵynda óz úılerinde túrli-tústi prınterdi paıdalana otyryp, keıinnen aqshalaı syıaqyǵa satylatyn 1-nysandy (mal men et ónimderin tasymaldaý quqyǵyn bildiretin) veterınarıalyq anyqtamalardy qoldan jasaǵany anyqtaldy.
Olardyń áreketteri Qazaqstan Respýblıkasy Qylmystyq kodeksiniń 385-baby 2-bóligi boıynsha, atap aıtqanda, aldyn ala sóz baılasý boıynsha toppen birneshe ret jasalǵan resmı qujatty qoldan jasaý jáne ótkizý boıynsha saralanǵan.
Baptyń sanksıasy 4 jylǵa deıin bas bostandyǵynan aıyrýdy kózdeıdi.
Qostanaı oblysynda prokýrorlar veterınarıalyq anyqtamalardy qoldan jasaǵan
- 12:32, 18 qarasha 2025
depositphotos.com