Qazaqstannyń birinshi, álemniń 11-raketkasy Aleksandr Býblık jyldy sátti qorytyndylady. ATP resmı saıtynda qazaqstandyq tenısshiniń bıylǵy maýsymda qansha tabys tapqany jarıa etildi.
Býblık 2025 jyly 2 mln 905,991 AQSH dollary (1,5 mlrd teńge) kóleminde tabys tapqan. Bul – Býblık úshin rekord kórsetkish.
Qazaqstandyq tenısshiniń sporttyq jolyndaǵy barlyq tabysy 10 mln 646,354 myń dollarǵa (5,5 mlrd) dollarǵa jetti.
Býblık ATP týrnırlerinde segiz tıtýl jeńip alsa, sonyń tórteýi bıylǵy jyldyń úlesine tıedi.
Sonymen qatar, Aleksandr Býblık álemdik reıtıńide 11-ornyn saqtap qaldy. Bul da ol úshin úzdik nátıje bolyp esepteledi.
Erler arasynda 2025 jyly tabys tabý jóninen álemniń 2-raketkasy, «Úlken dýlyǵa» týrnıriniń tórt dúrkin chempıony, ıtalıalyq Iannık Sınner 19 mln 120,641 myń AQSH dollarymen kósh bastap tur.
Álemniń 1-raketkasy, «Úlken dýlyǵa» jarysynda alty ret úzdik shyqqan ıspanıalyq Karlos Alkaras (18 mln 803, 427 myń dollar) ekinshi, germanıalyq Aleksandr Zverev (6 mln 060,174 myń dollar) úshinshi satyda.