Basyna kondısıoner qulaǵan 23 jastaǵy feldsher Uldana Myrzýan aýrýhanada kóz jumdy. Qaıǵyly habardy Astananyń qoǵamdyq densaýlyq saqtaý basqarmasy málimdedi, - dep habarlaıdy aqshamnews.kz tilshisi.
"Turǵyn úı kesheniniń qasbeti men kondısıoner qulaýynan qyzmettik mindetterin atqarý kezinde aýyr jaraqat alǵan feldsher 18 qarashada kóz jumdy", - delingen habarlamada.
Uldana 8 qarashadan beri jansaqtaý bóliminde aýyr jaǵdaıda jatqan edi.
Oqıǵanyń mán-jaıy
8 qarashada Astanada Táýelsizdik dańǵyly, 24B mekenjaıyndaǵy toǵyz qabatty turǵyn úıdiń qasbetinen syrtqy kirpish qaptamasy men kondısıoner qulap, bes adam zardap shekken edi.
Zardap shekkender №1 kópsalaly aýrýhanaǵa jetkizildi. Bir naýqastyń jaǵdaıy óte aýyr, shuǵyl operasıa jasaldy. Ekeýi jansaqtaý bóliminde, jaǵdaılary aýyr dep baǵalandy. Taǵy eki naýqastyń jaǵdaıy turaqty, olar bólimshede jatyr.
Buǵan deıin áleýmettik jelide zardap shekken feldsherdiń kúıeýi vıdeo jarıalap, jubaıynyń adamdarǵa kómektesý kezinde basyna kondısıoner qulaǵanyn aıtqan. Onyń sózinshe, áıeline gematomany alyp tastaý jáne bas súıegine trepanasıa jasaý operasıasy jasalǵan. Avtor sondaı-aq İİM óndiristik jaraqat jónindegi ótinishti qabyldamaı otyr dep málimdegen.