Astanada bokstan jastar men jasóspirimder arasyndaǵy Azıa chempıonaty aıaqtaldy, dep habarlaıdy almaty-akshamy.kz
Bıylǵy baıraqty básekege 23 memleketten 500-ge jýyq qatysýshy keldi. Bul – ózindik rekord. Onyń qorytyndysy boıynsha qazaqstandyq ul-qyzdar 41 márte jeńis tuǵyryna kóterildi. Ásirese jastar arasynda Elánur Turǵanova, Uljan Sársenbek, Ásem Tańatar, Baqyt Seıdish, Shuǵyla Nálibaı, al uldar arasynda Bahtıar Anarbaev, Islam Sovetov, Ivan Ermolenko jáne Tórehan Sabyrhan qarsylas shaq keltirmedi.
Sýret: 24 kz
Aıta ketý kerek, Tórehan jarys qorytyndysy boıynsha jastar arasynda Azıa chempıonatynyń eń úzdik boksshysy atandy. Al jasóspirimder arasyndaǵy dál osyndaı ataq taǵy bir qazaqstandyq Aıajan Sydyqqa buıyrdy. Jalpykomandalyq esepte jerlesterimiz 2-shi orynǵa turaqtady. Top basynda Úndistannan kelgen komanda bolsa, kórshi ózbek eliniń ókilderi úzdik úshtikti túıindedi.