Úkimette kedendik ákimshilendirý máseleleri qaraldy
Búgin Premer-Mınıstrdiń orynbasary - Qarjy mınıstri Erulan Jamaýbaev «Qorǵas» shekara mańy yntymaqtastyǵy halyqaralyq ortalyǵynyń qyzmetindegi problemalyq máselelerge baılanysty Qazaqstan Respýblıkasy Ulttyq qaýipsizdik komıtetiniń Shekara qyzmeti, İshki ister mınıstrligi, Ulttyq ekonomıka mınıstrligi, Básekelestikti qorǵaý jáne damytý agenttigi, Ádiletmıni, Kólik mınıstrliginiń jáne oblys ákimdigi ókilderiniń qatysýymen keńes ótkizdi, dep habarlaıdy Almaty-akshamy.kz.
Keńeste "Qorǵas" shekara mańy yntymaqtastyǵy halyqaralyq ortalyǵynyń ótkizý qabiletiniń tómendigi, sondaı-aq qoǵamdyq tártipti kóptegen buzýshylyqtar máseleleri talqylandy.
Keńes qorytyndysy boıynsha memlekettik organdarǵa halyqaralyq shekara mańy yntymaqtastyǵy ortalyǵynyń aýmaǵynda qoǵamdyq tártipti baqylaýdy kúsheıtý jóninde birqatar tapsyrmalar berildi; zamanaýı sıfrlyq sheshimderdi paıdalana otyryp, bagajdy qabyldaý jáne tapsyrý tehnologıasyn jańǵyrtý; "Qorǵas shekara mańy yntymaqtastyǵy halyqaralyq ortalyǵynyń" shtat sanyn ulǵaıtý; elektrondyq kezektiń úzdiksiz jumys isteýin qamtamasyz etý maqsatynda Aqparattyq júıelerdi tolyqqandy ıntegrasıalaý.
Sondaı-aq, Qytaı tarapymen Qazaqstan azamattary úshin vızasyz rejımdi engizýdi jedeldetý; jeke tulǵalar ótkizetin taýarlarǵa kedendik baqylaýdy jaqsartý boıynsha vedomstvoaralyq ózara is-qımyldy jáne sharalar qabyldaýdy kúsheıtý tapsyryldy. Keńeste berilgen tapsyrmalardy iske asyrý jáne problemalyq máselelerdi sheshý maqsatynda naqty iske asyrý merzimderi kórsetilgen Jol kartasy ázirlenip, maquldandy.