Qorǵanys mınıstriniń orynbasary general-maıor Shaıh-Hasan Jazyqbaev Fransıanyń Qorǵanys mınıstrligi Halyqaralyq yntymaqtastyq departamentiniń bastyǵy Aleksandr Eskorsıamen qorǵanys vedomstvolarynyń yntymaqtastyq máselelerin talqylady, dep habarlaıdy aqshamnews.kz Qorǵanys mınıstrligine silteme jasap.
Eki el ókilderiniń nazary bitimgerlik jáne bilim berý salalaryndaǵy ekijaqty qatynastar tóńireginde boldy. Atap aıtqanda, bitimgerlik kontıngentterdi daıarlaýdy jetildirý jáne osy saladaǵy ózara is-áreketti keńeıtý sóz boldy.
Taraptar bul baǵyttaǵy birlesken kúsh-jiger halyqaralyq qaýipsizdik pen turaqtylyqty qoldaýǵa yqpal etetinin atap ótti.
Odan bólek bir kún buryn Almatyda fransýz delegasıasy Qorǵanys mınıstrliginiń Bitimgerlik operasıalar ortalyǵynda jáne «Bitimger» oqý-jattyǵý ortalyǵynda bolǵanyn atap ótken jón. Qonaqtar mekemeniń qyzmetimen, ınfraqurylymymen jáne damý perspektıvalarymen tanysty.