«Sıfrlyq armıa» baǵdarlamasyn iske asady
Jergilikti áskerı basqarý organdaryn sıfrlandyrý sheńberinde Qarýly Kúshter Bas shtabynyń Uıymdastyrý-jumyldyrý jumystar departamenti memlekettik qyzmetterdiń qoljetimdiligin qamtamasyz etý jáne aqparattyq qaýipsizdikti arttyrý boıynsha aýqymdy jumys júrgizýde, dep habarlaıdy Almaty-akshamy.kz QazAqparat-qa silteme jasap.
Memleket basshysy Qasym-Jomart Toqaev sıfrlandyrýdy eldiń básekege qabilettiliginiń basty faktorlarynyń biri dep atady. Bul baǵytta Qarýly kúshterde «Sıfrlyq armıa» baǵdarlamasyn iske asyrý boıynsha is-sharalar kesheni iske asyrylýda. Basqarý júıesin avtomattandyrý jáne áskerı maqsattaǵy aqparattyq júıelerdi engizý basqarý organdarynyń qyzmetin búrokratıasyzdandyrýǵa, sheshimder qabyldaýdyń jedeldigin arttyrýǵa jáne sybaılas jemqorlyq deńgeıin tómendetýge yqpal etetin bolady.
Osyǵan oraı, Qorǵanys mınıstrligi jeke quramdy oqytýǵa erekshe nazar aýdaryp otyr. Osylaısha, uıymdastyrý-jumyldyrý jumystary departamenti memlekettik qupıalardy qorǵaý bólimsheleri bastyqtarynyń mamandardyń sıfrlyq quzyretterin damytýǵa baǵyttalǵan oqý-ádistemelik jıyndaryn ótkizdi.
«Sabaq barysynda memlekettik qupıalardy qorǵaý bólimsheleriniń bastyqtary aqparatty krıptografıalyq qorǵaýdyń baǵdarlamalyq quralyn paıdalana otyryp, jergilikti áskerı basqarý organdarynda qujattardy elektrondyq formatqa kóshirýdi uıymdastyrý tártibin úırendi. Bul rette oflaın rejıminde qyzmettik málimetterdi berýmen qorǵalǵan baılanys paıdalanyldy», - delingen aqparatta.
Mundaı tásil qujattardyń qaıtalanýyn boldyrmaıdy, qaǵaz qujat aınalymyn barynsha azaıtady jáne feldegerlik jáne arnaıy poshta baılanysy arnalary arqyly jóneltýge arnalǵan aqshalaı shyǵystardy qysqartady. Sonymen birge aqparat almasýdyń tıimdiligi edáýir artady. Aqparatty krıptografıalyq qorǵaý quralyn jańǵyrtý jaqyn arada onlaın rejımine ótýge múmkindik beredi.
2020-2021 jyldar aralyǵynda Qorǵanys mınıstrligi «Sıfrlyq jergilikti áskerı basqarý organy» pılottyq jobasyn iske asyrǵan bolatyn. Bul joba óziniń tıimdiligin dáleldedi. Basqa memlekettik organdardyń aqparattyq júıelerimen tıimdi ıntegrasıanyń arqasynda halyq úshin memlekettik qyzmetterdiń qoljetimdiligin qamtamasyz etýge aıtarlyqtaı qadam jasaldy.