Taktıkalyq sabaqta shartty jaǵdaı jaıly málimet berdi
Atalmysh shara Qurlyq áskerleri bas qolbasshysynyń basqarmasy uıymdastyrǵan jıyn aıasynda jalpy áskerı, artılerıalyq brıgadalar men barlaý (taý qoryqshylary) polkteriniń komandırlerine arnaıy ótkizildi, dep habarlaıdy Almaty-akshamy.kz.
Qorǵanys vedomstvosynyń basshysy, general-polkovnık Rýslan Jaqsylyqov senip tapsyrylǵan áskerı bólimderdegi isterdiń jaı-kúıi týraly komandırlerdiń baıandamalaryn tyńdap, áskerlerdiń jaýyngerlik ázirligi men jaýyngerlik qabiletin odan ári arttyrýǵa baǵyttalǵan birqatar mindetter júktedi. Ol áskerlerdegi taktıkalyq, taktıkalyq-arnaıy jáne atys daıyndyǵy men tártiptiń tıimdiligi kóbinese komandırlerdiń quzyrettiligine, uıymdastyrýshylyq qabiletterine jáne olardyń laýazymdyq mindetterine jaýapkershilikpen qaraýyna baılanysty ekenin atap ótti.
Jıyn baǵdarlamasy dárister men praktıkalyq sabaqtardy, trenıńter men testileýdi qamtydy. Taktıkalyq sabaqta shartty jaǵdaı jaıly málimet berdi. Komandırler ony baǵalap, kúshterdi, quraldardy bólý, qozǵalys joldaryn anyqtaý jáne ýaqytty esepteý arqyly jaýyngerlik tapsyrmany oryndaý týraly sheshim qabyldady. Sabaqtar taktıkalyq jaǵdaıdaǵy barlyq is-qımyl nusqalaryn egjeı-tegjeıli pysyqtaı otyryp, joǵary qarqynmen oryndaldy.
– Kóptegen tájirıbelik sabaqtar jıyn ótkizýdiń paıdaly ekenin kórsetip otyr. Mundaı sátti jınaqtalǵan bilim qyzmettik-jaýyngerlik mindetterdi oryndaý barysynda baǵynysty bólimsheler men jeke quramdy basqarýǵa kómektesedi, – dep jıynnyń mańyzdy ekenin atap ótti 06708 áskerı bóliminiń komandıri, podpolkovnık Jasulan Ábekov.
Brıgadalar men polk komandırleri zańnama normalaryn, taktıkalyq normatıvterdi, jalpy áskerı shtabtar qyzmeti jónindegi nusqaýlyqtyń erejelerin bilýge testileýden ótti. Mundaı jıyn komandalyq quramnyń kásibı deńgeıin arttyrýǵa, bólimshelerdiń kúndelikti tynys-tirshiligin jáne jaýyngerlik daıarlyq is-sharalaryn uıymdastyrýdaǵy biliktiligin tekserýge baǵyttalǵan.