Qorǵanys mınıstri Rýslan Jaqsylyqov birqatar ofıserdi qyzmetke taǵaıyndaý jáne joǵarylatý týraly buıryqtarǵa qol qoıdy, dep habarlaıdy Almaty-akshamy.kz mınıstrliktiń resmı saıtyna silteme jasap.
Atap aıtqanda, Áýe qorǵanysy kúshteri bas qolbasshysynyń (tyl jónindegi) orynbasary – Áýe qorǵanysy kúshteri bas qolbasshysy basqarmasy Tyl bas basqarmasynyń bastyǵy polkovnık Rústem Muratbekuly Qalyqpaev QR Qarýly kúshteri Qarý-jaraq bastyǵy bolyp taǵaıyndaldy.
Polkovnık Talǵat Serikuly Syzdyqov Áýe qorǵanysy kúshteri áskerı ınstıtýtynyń bastyǵy qyzmetinen bosatylyp, Áýe qorǵanysy kúshteri bas qolbasshysynyń (tárbıe jáne ıdeologıalyq jumys jónindegi) orynbasary – QR Qarýly kúshteri Áýe qorǵanysy kúshteri bas qolbasshysy basqarmasynyń Tárbıe jáne ıdeologıalyq jumys bas basqarmasynyń bastyǵy bolyp taǵaıyndaldy.
QR Qarýly kúshteri Áýe qorǵanysy kúshteriniń bas qolbasshysynyń ókiminde turǵan polkovnık Tımýr Tólegenuly Espaǵanbetov eki márte Keńes Odaǵynyń Batyry Talǵat Bıgeldınov atyndaǵy Áýe qorǵanysy kúshteri áskerı ınstıtýtynyń bastyǵy bolyp taǵaıyndaldy.
Shtab bastyǵy – Shoqan Ýálıhanov atyndaǵy QR Qorǵanys mınıstrligi Áskerı koleji bastyǵynyń orynbasary polkovnık Bolat Kárimuly Ospanbekov osy oqý ornynyń basshysy boldy.
