Jeńimpazdarǵa qarjy sertıfıkattary tabystaldy
Búgin Qonaev qalasynda elimizdiń eń úzdik kúıshileri jınaldy. Almaty oblystyq ishki saıasat basqarmasy men «Rýhanı jańǵyrý ortalyǵy» KMM uıymdastyrǵan «Úkili dombyra» respýblıkalyq baıqaýǵa elimizdiń túkpir-túkpirinen 14 vırtýozdy dombyrashy qatysty, dep habarlaıdy Almaty-akshamy.kz.
Jalpy, baıqaý jas dombyrashylardyń sheberligin jetildirý, jastarǵa patrıottyq jáne rýhanı tárbıe berý jáne ulttyq mádenı qundylyqtardy nasıhattaý maqsatynda ótti. Jarys eki kezeńnen turdy. I, II kezeńde qatysýshylar túrli shyǵarmalardy oryndap, shyǵarmalardyń tarıhyn aıtyp berdi.
Qazaqstannyń eńbek sińirgen qaıratkeri, «Qurmet» ordeniniń kavaleri, Qazaq ulttyq óner ýnıversıtetiniń profesory Janǵalı Júzbaı, QR Mádenıet qaıratkeri, QR Kompozıtorlar jáne kúıshiler odaǵynyń múshesi Tólepbergen Toǵjanov, QR Mádenıet qaıratkeri , kúıshi Murat Ábýǵazy jáne QR Mádenıet qaıratkeri Talǵat Orazaev syndy qazylar alqasy baıqaýǵa qatysýshylardyń ónerin baǵalady. 14 úmitkerden tek 3-i fınalǵa ótti.
Qazylar alqasynyń sheshimimen bas júldeni Jambyl oblysynan kelgen Meıirbek Ázimbaev aldy. Birinshi oryndy Tımýr Úmbetjan, ekinshi oryndy turǵyny Muhıt Múken ıelendi. Al, úshinshi oryndy Lýnara Maýetbek qanjyǵasyna baılap qaıtty. Jeńimpazdarǵa 100 myń, 200 myń, 300 myń jáne 400 myń teńge kóleminde sertıfıkattar tabystaldy.