Imamdar Dinı basqarma bekitken 7 baǵyt boıynsha 2022 jyldyń ekinshi jartyjyldyǵyna arnalǵan jumys josparyn pysyqtady.
Almaty oblysynyń ortalyǵy Qonaev qalasynda jýyrda ǵana bas ımamdyq qyzmetke taǵaıyndalǵan Madıar Pirimqulovtyń tóraǵalyǵymen alǵashqy alqaly jıyn ótti, dep habarlaıdy Almaty-akshamy.kz
Atap aıtqanda, ár baǵytqa jaýapty din qyzmetkerleri oqý-aǵartý, ýaǵyz-nasıhat, ýaqyp jáne qaıyrymdylyq, nasıhat jáne qoǵammen baılanys, áleýmettik jelilerdi durys paıdalaný jáne jat aǵymdarmen ońaltý jumysyn kúsheıtý joldaryn usyndy.
Sondaı-aq bas ımam jartyjyldyqta jáne Qurban aıt merekesinde atqarylǵan is-sharalarǵa jeke-jeke toqtaldy. Odan bólek joǵary dinı bilimdi kadrlardyń sanyn arttyrýǵa basymdyq berý, medrese túlekterin óńirlerge tartý jóninde naqty tapsyrmalar berdi.
Jıyn sońynda Almaty aımaǵy ókildiginde 6 jyl bas ımam bolǵan Qýanysh Baqytbekulyna ımamdardyń atynan qurmet kórsetilip, qazaqy saltqa saı ıyǵyna shapan japty