63 kelige deıingi salmaqta óner kórsetken qazaqstandyq Esmıgúl Kúılova Hanchjoýda ótip jatqan Azıa oıyndarynyń qola júldegeri atandy, dep habarlaıdy Almaty-akshamy.kz.
Medal úshin kúreste ol ózbek sportshysy Sevınch Isokovany jeńdi. Bul Qazaqstan quramasynyń osy Azıadadaǵy dzúdo boıynsha úshinshi medali.
Keshe 48-ge deıingi salmaqtaǵy kúmisti Abıba Abýjaqynova jeńip aldy, al Maǵjan Shamshadın 60 kelige deıingi salmaqta qola medal jeńip aldy.
Jeńis ońaı berilmeıdi, biraq búgin Esmıgýl jeńiske degen qulshynysyn kórsetti. Onyń alda úlken jeńister kútip turǵanyna kúmánim joq, - dedi QR Týrızm jáne sport mınıstri Ermek Marjyqpaev.