«Janashyr» halyqaralyq qoǵamdyq qorynyń prezıdenti Jańyl Amantaıqyzy Apetova 16 tamyzda ótken jarıa talqylaýda atom elektr stansıasynyń qurylysyn qoldady, dep habarlaıdy aqshamnews.kz
«Men de bir kezderi qarsy boldym, óıtkeni halqymyzdyń túsiniginde tek Chernobyl apatynyń saldary ǵana qalǵan. Sondyqtan halyq AES-tiń basqa jaqsy jaqtaryn, onyń zıansyz ekenin, ekologıaǵa tıgizetin paıdasyn, ásirese kómirqyshqyl gazdarynyń shyǵaryndylaryn azaıtatynyn jáne basqa da kóptegen artyqshylyqtaryn kórmeıdi,» — dep atap ótti ol.
Apetova sheteldik aqparatty zerdeleı otyryp, álemniń 32 elinde 400-den asa atom elektr stansıalarynyń sátti jumys istep otyrǵanyna nazar aýdarý qajettigin aıtty.
«Eger biz damyǵan elderdiń qataryna qosylǵymyz kelse jáne elimiz úshin durys sheshim qabyldaǵymyz kelse, saýattylyǵymyzdy arttyryp, atom elektr stansıasynyń qurylysyn qoldaýymyz kerek,» — dep ol óz zamandastaryn jobany qoldaýǵa shaqyrdy.