Qyrǵyzstan Parlamentinde qoǵamdyq oryndar men memlekettik mekemelerde hıdjab nemese betti jaýyp turatyn basqa kıim kıýge 20 myń som aıyppul salýdy kózdeıtin zań jobasy qaralýda, dep habarlaıdy 24.kg.
Qyrǵyzstandyq depýtattar jeke tulǵany anyqtaýǵa kedergi keltiretin kıimderdi kıýge tyıym salatyn bap qosýdy usyndy.
Keıbir depýtattar aıyppuldyń somasy tym joǵary ekenin atap ótti, ásirese, hıdjabty kóbinese áleýmettik jaǵynan osal toptarǵa jatatyn áıelder kıetinin eskergende. Buǵan deıin Din isteri jónindegi memlekettik komısıa hıdjabqa tyıym salý týraly normany alyp tastaýdy usynǵan bolatyn, sebebi bul demokratıalyq qaǵıdattarǵa qaıshy dep tanylǵan.
Zań jobasynyń bastamashylary mundaı shekteýdiń qajettiligi qoǵamdyq oryndar men memlekettik mekemelerde jeke tulǵany sáıkestendirý úshin mańyzdy ekenin aıtýda.