Parlamentte qoǵamdyq oryndarda dinı kıim kıýge tyıym salý máselesi qaralýy múmkin. Bul týraly Májilis depýtaty Ermurat Bapı málimdedi.
Depýtattyń aıtýynsha, elimizdiń ulttyq múddelerin, salt-dástúrin jáne mádenıetin saqtaý mańyzdy. «Qazirgi kezde qoǵamda qara kıim kıgen azamattar sanynyń kóbeıýi bizdiń ulttyq qundylyqtarymyzǵa aıtarlyqtaı áser etýde», - dep atap ótti ol.
Sondaı-aq, Ermurat Bapı tıisti zań jobasynyń kúzgi sesıada Parlamentke usynylatynyn habarlady.
«Biz bir top depýtattar osy zań jobasyn ázirledik, ol qabyldanǵan jaǵdaıda qoǵamdaǵy hıdjab, nıkab jáne basqa da dinı kıimder máselesi sheshiledi dep úmittenemiz», - dedi májilismen.
Depýtattyń pikirinshe, bul zań jobasy dinı kıimderge qatysty máselelerdi retteýge kómektesedi.