Kompanıa salymshylarynan túsken túsim somasy 463 mln teńgeni qurady
QMA Astana qalasy boıynsha departamenti qala prokýratýrasymen birlesip "Qnet" qarjy pıramıdasyn qurý jáne basqarý faktisi boıynsha kúdiktini ustady. Bul kompanıa Astana men Aqmola oblysynyń aýmaǵynda 2020 jyldan bastap qazirgi ýaqytqa deıin jumys istegen, dep habarlaıdy Almaty-akshamy.kz.
Kúdikti jeke tulǵalardan tartylǵan qarajatty kásipkerlik qyzmetke paıdalanbaı, "Qnet" qarjy pıramıdasynyń qyzmetin uıymdastyrdy. Sqema boıynsha eski salymshylardy jańa kelgenderdiń jarnalary esebinen qaıta bólý jáne baıytý arqyly júzege asyryldy.
"Qnet" halyqaralyq kompanıasynyń qyzmeti jelilik marketıń jáne elektrondyq komersıa qyzmeti túrinde jasyryldy.
Birqatar shet elderde "Qnet" kompanıasy qarjy pıramıdasy dep tanyldy, sondaı-aq ony QR Qarjy naryǵyn retteý jáne damytý agenttigi qarjy pıramıdasynyń belgileri bar kompanıalar tizimine engizdi.
Ókiletti organnyń qorytyndysyna sáıkes kompanıa salymshylarynan túsken túsim somasy 463 mln teńgeni qurady.
Astana qalasynyń mamandandyrylǵan tergeý soty kúdiktige 2 aıǵa «qamaýda ustaý» sharasyna sanksıa berdi.
QR QPK-niń 201-babyna sáıkes ózge de aqparat jarıa etýge jatpaıdy.