Qazaqstan musylmandar dinı basqarmasy qalyń mal men máhrge qatysty málimdeme jasady, dep habarlaıdy aqshamnews.kz.
Múftıattyń baspasóz hatshysy Aǵabek Qonarbaıuly "áke eńbegi", "ana súti" sıaqty qyzdyń áke-sheshesine, týystaryna beriletin mal-múlik máhirge sanalmaıtynyn aıtty.
Qalyńmal – qazaq halqynyń dástúrli ǵuryptyq saltyndaǵy qalyńdyq úshin beriletin mal. Fıqh kitaptarynda uzatylyp jatqan qyzǵa jıhaz áperý úshin kúıeý jigit tarapynan beriletin mal-múlikti "dýstıman" dep ataıdy, - dedi ol.
Aǵabek Qonarbaıuly osy máselege qatysty múftıattyń sheshimin jarıa etti.
Sheshim: Kúıeýi tarapynan beriletin qalyńmaldy qyzdyń razylyǵymen máhirge jatqyzýǵa jáne artynan alyp baratyn jasaýyna paıdalanýǵa bolady. "Áke eńbegi", "ana súti" sekildi qyzdyń áke-sheshesine, týystaryna beriletin mal-múlik (kádesyı, t.b.) máhirge jatpaıdy, - dep jazdy ol.
Qalyńmal berilmeıtin ólkelerde neke qıý barysynda máhirdi belgileýi tıis. Máhir belgilenbegen jaǵdaıda nekesi durys bolady. Biraq kúıeýi máhir-mısl beredi.