Qazaqstan fýtbol federasıasy ulttyq quramanyń bas jattyqtyrýshysy Stanıslav Cherchesovtiń baspasóz jıyny kezindegi áreketine qatysty resmı málimdeme jasady, dep habarlaıdy aqshamnews.kz.
Áleýmettik jelilerde jarıalanǵan fýtboldan Qazaqstan ulttyq quramasynyń bas bapkeri Stanıslav Cherchesovtiń qazaq tiline qurmet kórsetpeýine qatysty vıdeoǵa baılanysty Qazaqstan fýtbol federasıasy jaǵdaıdy túsindire ótý qajet dep sanaıdy. Jazbada vıdeonyń úzindisi kórsetilgen. Negizi bul suraqty Fransıanyń PSJ klýbynyń formasyn kıip júrgen qazaqstandyq jýrnalıs Begasyl Seıitqanov baspasóz máslıhatynda qoıǵannan keıin bas bapker ázildep, jaýap qaıtarǵan bolatyn. Stanıslav Cherchesov qazaq tili men elimizdiń mádenıetine úlken qurmetpen qaraıdy, sonymen qatar qazaq tilin belsendi túrde oqyp jatqanyn málimdeımiz, - dep jazdy federasıa habarlamada.
Aıta keteıik, baspasóz jıyny kezinde qazaq tilinde suraq qoıǵan tilshige Stanıslav Cherchesov: "Fransýz tilinde sóılep tursyń ba? Bul suraq pa, joq, basqa ma?" – degen edi. Bul sózi jankúıerler men jeli qoldanýshylaryn shamdandyrǵan bolatyn.