Mınıstrliktiń uıymdasqan qylmysqa qarsy kúres departamenti UQK 5 departamentimen birlesip, Ózbekstanmen shekaralas Túrkistan oblysynyń «Qazyǵurt» keden beketinde qylmystyq áreketpen aınalysqan topty ustaý úshin aýqymdy arnaıy operasıa júrgizdi.

Atalǵan adamdar keden beketindegi sybaılas jemqorlyq baılanystaryn paıdalana otyryp, «brokerlik qyzmet» kórsetý degen jeleýmen taýarlardy júıeli túrde jalǵan qujatpen zańsyz ákelip otyrǵan.

Tasymaldanatyn júkke baılanysty bir júk kóliginiń kedergisiz kirip-shyǵýy úshin 200 myń teńgege deıin aqy alynǵan.

Bul keıinnen taýar qunynyń ósýine áser etken. Táýligine keden beketi arqyly 150-ge jýyq avtokólik ótken.

Sonymen qatar, qylmyskerler kórshi eldiń azamattarynyń memlekettik shekarany zańsyz kesip ótýine qylmystyq qoldaý kórsetken.

Jedel qyzmetkerler búkil qylmystyq sqemany anyqtap, qujattady.

Bir mezgilde tintý júrgizilip, iri kólemdegi aqsha, atys jáne sýyq qarý túrleri, «qara kasanyń» esepke alý jazbalary, shetel azamattarynyń pasporttary, arnaıy tehnıkalyq quraldar tárkilendi.

Qazirgi ýaqytta sotqa deıingi tergeý júrip jatyr.

Kináli adamdarǵa qatysty bultartpaý sharasyn taǵaıyndaý máselesi qarastyrylyp jatyr.