Kompanıanyń logotıpine de ózgertýler engizildi. Logotıp «QAZAQGAZ AIMAQ» AQ dızaınerleri toby qarjylyq shyǵyndarsyz ázirledi.
Qazaqstan Respýblıkasyndaǵy iri gazben jabdyqtaýshy kompanıa «QazTransGaz Aımaq» AQ ataýyn «QAZAQGAZ AIMAQ» AQ dep ózgertti, dep habarlaıdy almaty-akshamy.kz.
Rebrendıng kompanıanyń ataýy men logotıpin ózgertýge ǵana qatysty emes, bul transformasıa ishki biraz bıznes - prosesterge áser etedi.
Endi «QAZAQGAZ AIMAQ» AQ gazdy tasymaldaýdan bastap, ony túpkilikti tutynýshyǵa ótkizýge deıingi, sondaı-aq óziniń gaz taratý jelileri men ondaǵy gaz jabdyqtaryn derbes paıdalaný men jańǵyrtýǵa deıingi óndiristiń tolyq sıklin ózine qaıtardy.
Bul – jylytý maýsymdaryna daıyndyqty tıimdi júrgizýge, túrli oqıǵalardyń aldyn alýǵa, tehnologıalyq aqaýlarǵa jedel nazar aýdarýǵa múmkindik beredi.
«QAZAQGAZ AIMAQ» AQ gaz taratý júıelerin paıdalaný jumystarymen tikeleı aınalysatyn 3 309 óndiristik mamandy jumysqa qosymsha qabyldady. Bul kompanıanyń mártebesin ósirýmen qatar, «QAZAQGAZ AIMAQ» aksıonerlik qoǵamyna úlken jaýapkershilik júkteıdi.
«QAZAQGAZ AIMAQ» kompanıasy «QazaqGaz» UK» AQ enshiles kompanıasy jáne Qazaqstannyń ishki naryǵyndaǵy gazben jabdyqtaýshy negizgi uıymdardyń biri. Kompanıa qyzmetiniń negizgi baǵyty – óńirlerdegi barlyq tutynýshylardy tabıǵı gazben úzdiksiz jáne apatsyz qamtamasyz etý.
«QAZAQGAZ AIMAQ» AQ tutynýshylardy gazben jabdyqtaýdyń qoljetimdiligin, senimdiligin jáne qyzmet kórsetýdiń sapasyn arttyrýǵa basymdyq beredi. Buǵan kompanıa qyzmet kórsetý jyldamdyǵy men jumystardy kásibı oryndaý jáne tutynýshyǵa erekshe nazar aýdarý esebinen qol jetkizdi.
Búgingi tańda «QAZAQGAZ AIMAQ» AQ óziniń óndiristik fılıaldary arqyly barlyq gazdandyrylǵan on tórt oblysqa jáne respýblıkalyq mańyzy bar úsh qalaǵa taýarlyq gaz jetkizedi, olar – Aqtóbe, Almaty, Atyraý, Aqmola, Shyǵys Qazaqstan, Jambyl, Jetisý, Batys Qazaqstan, Qaraǵandy, Qyzylorda, Qostanaı, Mańǵystaý, Túrkistan jáne Ulytaý oblystary, respýblıkalyq mańyzy bar Astana, Almaty jáne Shymkent qalalary.
Kompanıa Respýblıkanyń 12 mıllıonǵa jýyq turǵynyn (2 mıllıon 400 myńnan astam abonent) gazben qamtamasyz etedi, gaz tutynýshy turǵyn sany aldyńǵy jylmen salystyrǵanda 500 myńdaı adamǵa ósken. Tutynýshyǵa gaz jetkizetin taratý jelileriniń uzyndyǵy 69 myń shaqyrymnan asty, bul ótken jylmen salystyrǵanda 5 500 km-ge artyq.
Kompanıa 69 myń shaqyrym gaz qubyrlary arqyly shamamen 12 mıllıon turǵyndy (2 400 myńnan astam abonent) tabıǵı gazben qamtamasyz etedi.
Qýatty kadrlyq áleýeti, qazirgi zamanǵy ınovasıalyq jáne aqparattyq tehnologıalarmen qamtamasyz etilgen joǵary materıaldyq-tehnıkalyq bazasy bar «QAZAQGAZ AIMAQ» AQ, gazben jabdyqtaý salasynda qyzmetter kórsetý jónindegi jetekshi kompanıa retinde, bolashaqta tabıǵı gazdy jetkizý men tasymaldaýdyń senimdiligin, gazben jabdyqtaý qyzmetteriniń joǵary sapasyn salany sıfrlandyrý arqyly qamtamasyz etýge baryn salady.
Kompanıa qyzmetin sıfrlandyrý aıasynda gazdandyrýǵa qajetti Tehnıkalyq sharttar alýǵa ótinim berý Egov.kz elektrondyq úkimet portalyna shyǵaryldy. Sondaı-aq, «QAZAQGAZ AIMAQ» AQ obektini gazdandyrý úshin qurylys-montaj jumystaryn júrgizetin lısenzıalanǵan kompanıalardy izdeýge arnalǵan Marketplace portaly iske qosty.
Kompanıanyń mindeti – adamdarǵa jylýlyq pen qýanysh syılaý, eldiń ál-aýqatyn arttyrýdy damytýǵa úles qosý.
Eske salsaq, 2002 jylǵy 15 sáýir, bul kúni "QazTransGaz" AQ sheshimimen "QazTransGaz Dıstrıbúshn" JAQ quryldy. 2005 jyly kompanıa, oǵan "Óńirlik gaz tasymaldaý júıesi" AQ qosylǵannan keıin qaıta quryldy, 2007 jylǵy 25 qańtarda "QazTransGaz Aımaq" AQ bolyp ataldy.
2007 jyldyń 11 maýsymynan bastap kompanıa óziniń óndiristik fılıaldary arqyly gaz tasymaldaýǵa kiristi.
«QAZAQGAZ AIMAQ» AQ jalǵyz aksıoneri – «QazaqGaz» UK» AQ.
«QazaqGaz» UK» AQ «Samuryq-Qazyna» UÁQ» AQ portfeldik kompanıasy bolyp tabylady.