Almaty, Taldyqorǵan, Shymkent qalalaryn, sondaı-aq Jambyl jáne Túrkistan oblystaryn qamtyǵan jer silkinisi saldarynan gaz qubyrlarynyń jarylýy men gazdyń aýaǵa taralýy sıaqty oqıǵalardyń oryn alý qaýpi týyndaýda, dep habarlaıdy almaty-akshamy.kz.
Bul óńirlerde «QazTransGaz Aımaq» AQ mamandary jer dúmpýi oryn alǵan sátten bastap gaz qubyrlary men jabdyqtaryn muqıat tekserýde.
Jer silkinisinen keıingi profılaktıkalyq jumys retinde «QazTransGaz Aımaq» AQ mamandary «Intergaz Ortalyq Azıa» AQ áriptesterimen birlesip, Almaty óndiristik fılıalynyń gaz tasymaldaý jáne taratý júıeleriniń, jerasty gaz qudyqtarynyń jaǵdaıyn tekseristen ótkizdi.
Osyndaı shuǵyl qımyldardyń arqasynda burnaǵy kúni Almatyda gazdyń aýaǵa taralýyn jedel anyqtaıtyn «DLS-Pergam» mobıldi zerthanasy ortasha qysymdy jerasty gaz qubyrynan gazdyń aýaǵa taralyp jatqanyn anyqtady. Gaz qubyryndaǵy aqaýdy qalpyna keltirý úshin 170 jeke úı kógildir otynnan ýaqytsha ajyratyldy.
Eger gaz qubyry isten shyǵyp, oǵan shuǵyl jóndeý jumystary júrgizilýi tıis bolyp jatsa, kógildir otyn eskertýsiz óshirilýi múmkin. Sondyqtan qala turǵyndary májbúrli túrde, eskertýsiz ajyratylǵan gaz úshin sala mamandarynyń jumysyna túsinistikpen qarasa deımiz.