Bıyl kompanıaǵa 4 tekserý júrgizildi.
Óskemendegi «Qazsınk» JSHS 2025 jylǵa deıin aýaǵa bóletin zıandyq qaldyqtar kólemin 20 paıyzǵa qysqartady. BAQ ókilderiniń qatysýymen ótken brıfıń barysynda Ekologıalyq retteý jáne baqylaý komıtetiniń tóraǵasy Zulfuhar Joldasov osylaı málim etti, dep habarlaıdy Almaty-akshamy.kz QazAqparatqa silteme jasap.
«Qazsınk» – Óskemen qalasyndaǵy aýaǵa kóp kólemde zıandy qaldyqtardy bóletin kásiporyndardyń biri. Kásiporynnyń qala aýasynyń lastaý úlesi – 47,8 paıyz. Bıyl kompanıaǵa 4 tekserý júrgizildi. Onyń barysynda emısıalardy qysqartý jónindegi talaptardyń saqtalmaýy, emısıalar normatıvteriniń asyp ketýi anyqtaldy. Anyqtalǵan kemshilikter boıynsha jalpy somasy 37,5 mln teńgege 35 aıyppul salyndy. Aıyppuldar tolyq kólemde óndirildi», - dedi ol.
Komıtet tóraǵasynyń aıtýynsha, atalǵan seriktestik zıandy qaldyqtar kólemin azaıtý strategıasyn ázirlegen. Ondaǵy sharalardy oryndaý úshin 100 mln dollardan astam qarajat jumsalmaq. Nátıjesinde 2025 jylǵa deıin zıandy shyǵaryndylardyń mólsheri 20 paıyzǵa qysqarady.