Jeńiske túrli kásiporyndar qol jetkizdi.
Astanada "Qazaqstannyń úzdik taýary" respýblıkalyq kórme-baıqaýynyń jeńimpazdary marapattaldy, dep habarlaıdy Almaty-akshamy.kz Inbusiness.kz silteme jasap.
Osy jyldyń qorytyndysy boıynsha "Óndiristik maqsattaǵy úzdik taýarlar" atalymy boıynsha "KazTigerTape" JSHS jeńimpaz dep tanyldy. Bul kásiporyn skoch, japsyrma lentalardy óndirýmen aınalysady. Jeńiske jetken kásiporyndar arasynda telekomýnıkasıa jáne elektr energetıkasy jelilerine kabel óndiretin "Kazcentrelectroprovod" JSHS, jol salý, káriz jelisin salýǵa arnalǵan temirbeton buıymdaryn shyǵaratyn "Sapa Sý" JSHS da bar.
"Halyqqa arnalǵan úzdik taýarlar" nomınasıasy boıynsha úzdikter – "Semıramıda" tigin fabrıkasynyń áıelderge arnalǵan kúzgi-qysqy syrt kıim toptamasy, "Adılı tekstıl" JSHS matadan tigilgen dastarhandary, "Edem" brendimen "Habıbýlla-ata" jeke kásipkerligi shyǵaratyn jıhaz.
"Úzdik azyq-túlik taýarlary" atalymynda "Zenchenko jáne kompanıa" kommandıttik seriktestigi, sút óńdeý jáne sút ónimderin shyǵaratyn "AYKAN" JSHS, taýyq etin óndirýmen aınalysatyn "ECO-Chicken" ÁKK jeńiske jetti.