«QazIndustry» Qazaqstandyq ındýstrıa jáne eksport ortalyǵy» AQ QR Ónerkásip jáne qurylys mınıstrliginiń qoldaýymen ónerkásiptik kásiporyndarǵa sıfrlyq transformasıa jáne Indýstrıa 4.0 baǵyty boıynsha tegin oqytý vebınarlaryn uıymdastyrýdy jalǵastyrýda.
Kezekti oqytý sıkli aǵymdaǵy jyldyń 18 qyrkúıegi men 1 qarasha kúnderi aralyǵynda ótedi, dep habarlaıdy aqshamtýsyıýlá
Ónerkásiptik kásiporyndardyń ókilderi men top-menedjerlerin atalmysh oqytý vebınarlaryna qatysýǵa shaqyramyz.
Vebınarlardyń negizgi maqsaty – Indýstrıa 4.0 tujyrymdamasy men sıfrlyq tehnologıalardy engizý týraly túsinikter qalyptastyrý, sondaı-aq sıfrlyq transformasıa quraldaryn óndiriste qoldaný máselelerin talqylaý bolyp tabylady.
Spıkerler óndiristik prosesterdi avtomattandyrý baǵytyndaǵy kompúterlik kórý jáne mashınalyq oqytý tehnologıalaryn paıdalaný tájirıbelerimen bólisedi, sonymen qatar ǵımaratty basqarý júıeleri (BMS), energetıka, aqyldy qalalar, sýdy tazartý jáne ónerkásiptiń basqa da salalaryndaǵy naqty jobalardyń mysaldary arqyly ınovasıalyq tehnologıalardy engizý týraly aqparattarmen bólisedi.
Vebınarlarǵa qatysý úshin QazIndustry saıtyndaǵy «Indýstrıa 4.0. Vebınarlar» bólimindegi arnaıy nysandy toltyrý arqyly aldyn ala tirkelý qajet: https://qazindustry.gov.kz/mission/vebinar/.
Sondaı-aq, oqytý is-sharalarynyń aıasynda PcVue baǵdarlamalyq platformasyn ázirleýshi fransýzdyq ARC Informatique kompanıasynyń uıymdastyrýymen 29 qazanda Astana qalasynda (Ibis qonaq úıinde) jáne 1 qarashada Almaty qalasynda (Holiday Inn Express qonaq úıinde) konferensıa ótkiziledi.
Konferensıa jumysyna spıkerler retinde PcVue (fransıadaǵy bas keńsesi jáne Kavkaz ben Ortalyq Azıadaǵy jergilikti bólimshleri), «QazIndustry» Qazaqstandyq ındýstrıa jáne eksport ortalyǵy» AQ, «APS» (Qazaqstandaǵy SATEC ókili) JSHS jáne BECKHOFF (Germanıa) kompanıalarynyń ókilderi qatysady.
Konferensıaǵa qatysý tegin. Qatysý úshin arnaıy nysyndy toltyrý arqyly aldyn ala tirkelý qajet:
- Astana qalasyndaǵy konferensıaǵa qatysý úshin: https://docs.google.com/forms/d/e/1FAIpQLSfmhFZnxXGd4sp-bO8uGctbu-E0kC4kax2fSu8FQ83QsCGcSA/viewform.
- Almaty qalasyndaǵy konferensıaǵa qatysý úshin: https://docs.google.com/forms/d/e/1FAIpQLSeQxgSuibkwudecFoJJB7ElrkutRW6-JwZkR6tK1FIL9egbrA/viewform.