Otandyq kaskaderler top jarýda.
Qazaq eliniń Nomad Stunts tobynyń kaskaderleri Gollıvýdtyń «Kıller kodeksi» fılminiń túsirilimine qatynasty, dep habarlaıdy Almaty-akshamy.kz. Qazaqtv.com saıtyna silteme jasap.
Kartına rejıseri – Martın Kempbell. Sondaı-aq fılmde basty rólderdi Semúel Leroı Djekson men Maıkl Kıton somdaǵan.
Atalǵan jobaǵa Nomad Stunts tobynyń 10 kaskaderi qatysty.
Top jetekshisi Jaıdarbek Kúnǵojınovtyń aıtýynsha, túsirilimge qatysý týraly usynys 2019 jyldyń sońynda túsken. Kaskaderlerdi tańdaý barysynda fılm úılestirýshisi men rejıser suranysyna sáıkes keletin jigitter men qyzdar tańdalyp alyndy.
Bul túsirilimdi kaskaderler 2020 jyldyń aqpanynda Rýmynıada bastaǵan. Nomad Stunts kaskaderleri tek túsirilimge qatysyp qana qoımaı, keıipkerlerdi dýblájdap, sonymen qatar epızodtyq kórinisterge akter retinde qatysqan.
Otandyq kaskaderler toby úshin bul alǵashqy gollıvýdtyq joba emes. Olardyń fılm qorjynynda «Mýlan», «Úıge jol» jobasy jáne Netflix pen HBO serıaldary bar. Kaskaderler Gollıvýd, Bollıvýd jáne Túrkıanyń jetekshi stýdıalarymen birlesip jumys jasaıdy.