Onyń jasy 14-te.
Ol Armenıa astanasy Erevanda 18 jasqa deıingiler arasynda ótken ITF Juniors J30 TSAGHADZOR GOLDS'S GYM CUP 1 týrnıriniń absolútti chempıony atandy, dep habarlaıdy Almaty-akshamy.kz
Qazaqstan tenıs federasıasynyń aqparaty boıynsha, Zańǵar jekeleı jáne juptyq synda tamasha óner kórsetken.
Fınalda qazaqstandyq tenısshi jarystyń birinshi raketkasy, chehıalyq Iakýb Smychekti tize búktirdi – 7:5, 6:1,
Zańǵar doda barysynda Aýstrıa jasóspirimder quramasy kóshbasshylarynyń biri Maksımılıan Heıdelmaıermen asa tartysty kezdesý ótkizdi. Úsh setke sozylǵan machta qazaqstandyq tenısshi jeńisti julyp aldy. Sońǵy partıada qarsylasyna esh múmkindik qaldyrmady – 6:0.
Z.Nurlanuly M.Heıdelmaıermen birge juptyq synda fınalda reseılikter Maksım Kolobov – Rodıon Malmygındi utty – 6:7, 6:4, 10:6.
Bul – Zańǵar Nurlanulynyń halyqaralyq tenıs federasıasy ótkizgen jarysta jekeleı syndaǵy ekinshi tıtýly.