Mádenıet jáne aqparat mınıstrligi onlaın-platformalar men buqaralyq aqparat quraldaryna qatysty ákimshilik quqyq buzýshylyq týraly kodekske ózgerister engizý týraly qujat jobasyn usyndy, dep habarlaıdy aqshamnews.kz
Teleradıoarnalardy qazaq tilindegi kontentti sırek taratqany úshin jazalaý usynyldy. Joba 2025 jyldyń 10 shildesine deıin kópshilik talqylaýyna shyǵarylǵan.
Usynylǵan negizgi ózgeristerdiń biri – telekanaldar men radıostansıalar úshin qazaq tilindegi habar taratý úlesi 55%-dan kem bolmaýy tıis degen talapty engizý. Bul kórsetkish 2025 jylǵy 1 qańtardan bastap kúshine enýi tıis. Eger bul talap oryndalmasa, ákimshilik jaýapkershilik kózdelgen.
Alaıda bul normany buzǵany úshin aıyppul kózdelmegen, bul óz kezeginde onyń tıimdiligine kúmán týdyrady. Sonymen qatar, «Jarnama týraly» zań boıynsha teleradıoefırdegi jarnama kólemi táýliktik jalpy ýaqyttyń 20%-ynan aspaýy tıis. Biraq bul normanyń ÁQBtK-ge engizilmegeni medıa uıymdarǵa talapty saqtaýdy qıyndatady.
Atalǵan bastama "Ashyq NQA" platformasynda qoǵamdyq talqylaýǵa usynylǵan.