2023 jyldyń birinshi jartyjyldyǵyndaǵy statısıka boıynsha, Almaty oblysyndaǵy «İle-Alataý» memlekettik ulttyq tabıǵı parkiniń Túrgen shatqalyndaǵy «Turgensai» jáne «Aıýsaı» týrısik vızıt-ortalyqtaryna elimiz boıynsha eń kóp saıahatshy kelgen.
Alǵashqy alty aıda bul ortalyqqa 258 632 adam saıahattaǵan, dep habarlaıdy Almaty-akshamy.kz 24.kz-ke silteme jasap.
Ekinshi orynǵa alty aıda 49 332 kelýshilerdi jınaǵan Almaty oblysynyń Sharyn kanonyndaǵy «Sharyn» vızıt-ortalyǵy jaıǵasty. Al úshinshi satyǵa Aqmola oblysynyń Zerendi qalasyndaǵy vızıt-ortalyq turaqtady. Osy jyldyń birinshi jartyjyldyǵynda ortalyq 11 709 adamdy qabyldaǵan. Sondaı-aq Aqmola oblysyndaǵy Qorǵaljyn qoryǵynyń sapar ortalyǵyna 7 myńnan astam adam barsa, Almaty oblysynyń Altyn emel ulttyq saıabaǵyndaǵy «Altyn Emel» ortalyǵyna 6 myńnan astam adam kelgen.
«Ulttyq parkterdegi vızıt-ortalyqtar erekshe qorǵalatyn tabıǵı aýmaqtardyń jalpy alańynyń 5 paıyzynan aspaıdy jáne ekologıaǵa zıan keltirmeı jumys isteıdi. Týrıserge ornalasý orny jáne kelý erejeleri týraly aqparat beriledi, sondaı-aq tamaqtaný jáne ýaqytsha ornalastyrý qyzmetteri kórsetiledi. Qazirgi tańda Qazaqstanda mundaı nysandarǵa suranys artyp keledi», - dep atap ótti QR Týrızm jáne sport vıse-mınıstri Erjan Erkinbaev.