Almaty qalasynyń Qurmetti azamaty, bilim berý salasynda kóp jyldyq eńbegi bar ustaz Aıagúl Mırazova daýys berdi.
Qazaqstannyń tuńǵysh Eńbek Eri, Almaty qalasynyń Qurmetti azamaty, ustaz Aıagúl Mırazova Almatynyń №372 saılaý ýchaskesine baryp daýys berdi. Ol halyqty memleket kelesheginiń jarqyn bolýyna úles qosýǵa shaqyrdy, dep habarlaıdy Almaty-akshamy.kz.
«Ádiletti el bolý úshin ádiletti jastar bolýy kerek. Ádilet úshin eńbek etý kerek, kúrese bilýi tıis. Bizdiń memleketimizdi quratyn da, ony damytatyn da, ony ádiletti etetin de sizder men bizder jáne jastar! Búgin quqyǵymyzdy qorǵaý úshin bir kisideı daýys berip, birligimizdi, tirligimizdi, memleket kelesheginiń jarqyn bolýyna úles qosaıyq. Bárińizdi daýys berýge shaqyramyn», – dedi A.Mırazova.