Bul týraly kóshi-qon jáne qylmystyq-atqarý júıesi salalaryndaǵy zańnamany jetildirý máseleleri talqylanǵan Senat otyrysynda QR Eńbek jáne halyqty áleýmettik qorǵaý birinshi vıse-mınıstri Aqmádı Sarbasov aıtty, dep habarlaıdy almaty-akshamy.kz.
Soltústik aımaqtarda halyqtyń azaıýy baıqalady. Sońǵy jyldy aıtsaq, soltústiktegi segiz aımaqtan shetelge 170 myń adam kóship ketti. Munyń birneshe sebebi bar. Bul etnomádenı sebepter, osy aımaqtardyń áleýmettik-ekonomıkalyq damýyna baılanysty máseleler, - dedi ol.
Aqmádı Sarbasov ońtústikten soltústikke qonys aýdarýshylarǵa arnalǵan baǵdarlamalar jóninde aıtty.
Bir baǵdarlama boıynsha osy jyldar ońtústik oblystardan soltústik óńirlerge 59 myń adam kóship keldi. Oǵan qosa, jastarǵa arnalǵan josparlar bar. Ol – jańa "Serpin". Qazirgi kezde de "Dıplommen aýylǵa", "Aýyl amanaty" bar. Ana men bala degen josparlar qabyldandy. Qazirgi kezde qonys aýdarýshylarǵa jıyrmadan asa memlekettik qyzmet sharalar kórsetiledi, - dedi ol.
Vıse-mınıstr osy is-sharalardyń arqasynda qonys aýdarǵan halyqtyń 40 paıyzy tolyqtyrylǵanyn aıtty.