Taýar aınalymynyń basym bóligin ımport quraǵan.
Osy jyldyń toǵyz aılarynda Qazaqstannyń Reseımen taýar aınalymy 18,4 mlrd dollardy qurady. Bul byltyrǵyǵa qaraǵanda 5%-ǵa kóp, dep habarlaıdy Almaty-akshamy.kz Inbusiness.kz saıtyna silteme jasap.
Taýar aınalymynyń basym bóligin ımport qurady (67,8%). Jyl basynan beri Qazaqstan Reseı Federasıasynan 12,4 mlrd dollarǵa taýar ákeldi. Bul ótken jylmen salystyrǵanda 0,8%-ǵa artyq.
Elimizden Reseıge eksport kólemi taýar aınalymynyń 32,2%-yn qurady. Bul 5,9 mlrd dollar, jyldyq ósim - 15,1%.
QR jıyntyq taýar aınalymy qurylymyndaǵy Reseıdiń úlesi - 18,7%, ımport qurylymynda - 36%, eksport - 9,3%.
Elimizden Reseıge jiberiletin tanymal eksport taýarlary - metaldar men olardan jasalǵan buıymdar (1,5 mlrd dollar), mıneraldy ónimder (1,4 mlrd dollar), hımıa ónerkásibiniń ónimderi (1,3 mlrd dollar), mashınalar, apparattar men jabdyqtar (1,2 mlrd dollar), AÓK ónimderi men azyq-túlik taýarlary (349,5 mln dollar).
Reseı Federasıasynan elimizge mashınalar men jabdyqtar (2,5 mlrd dollar), metaldar jáne olardan jasalǵan buıymdar (2,3 mlrd dollar), AÓK ónimderi jáne azyq-túlik taýarlary (2,2 mlrd dollar), hımıa ónerkásibiniń ónimderi (2,1 mlrd dollar) jáne mıneraldy ónimder (1,5 mlrd dollar) jetkizildi.
Osy jyldyń 1 shildesine qaraı Qazaqstan rezıdentteriniń Reseıden kelgen ınvestorlar aldyndaǵy mindettemeleriniń kólemi bir jylda 70,5%-ǵa, 22,4 mlrd dollarǵa deıin ulǵaıdy.
Investısıanyń basym bóligi óńdeý ónerkásibine tıesili (6,9 mlrd dollar).
Bestik qatarynda qarjy jáne saqtandyrý qyzmeti salalary, saýda jáne avtojóndeý, taý-ken ónerkásibi, sondaı-aq kásibı, ǵylymı jáne tehnıkalyq qyzmet kirdi.
Birinshi jartyjyldyqta Reseıden Qazaqstanǵa tartylǵan tikeleı ınvestısıa kólemi 938 mln dollardy qurady. Bul byltyrǵyǵa qaraǵanda 30%-ǵa kóp.