Qazaqstannyń Qytaıdaǵy elshiligi arnaıy mobıldi qosymshasyn iske qosty

Aqparattyq tehnologıalardy engizý arqyly QR azamattary úshin aqparat pen qyzmetterdiń qoljetimdilik deńgeıin arttyrý maqsatynda, Qazaqstannyń Qytaıdaǵy elshiligi «Kaz Consul» arnaıy mobıldi qosymshasyn iske qosty, dep habarlaıdy Almaty-akshamy.kz QazAqparat-qa silteme jasap.
Elimizdiń Qytaıdaǵy elshiligi málim etkendeı, búgin osy mobıldi qosymshanyń onlaın-tanystyrylymy ótip, qatysýshylar ınterfeıstiń yńǵaılyǵy men qazaq jáne orys tilderinde jarıalanǵan aqparattyń ózektiligin joǵary baǵalady. Endi qazaqstandyqtar Qytaıdyń kez kelgen aımaǵynda bola otyryp, WeChat mobıldi platformasyndaǵy «Kaz Consul» paraqshasyna kirý arqyly neke qıý, týý týraly kýálik, ulttyq pasport, ESQ kilt alý, sondaı-aq notarıattyq is-áreketter jasaý sekildi memlekettik qyzmetter boıynsha tıisti aqparatty alady. Sonymen qatar, mobıldi qosymshada konsýldyq okrýgterdiń kartasy usynylǵan jáne konsýldyq esepke onlaın turý múmkindigi qarastyrylǵan. Budan basqa, «Kaz Consul» mobıldi qosymshasynda kórsetilgen telefondar arqyly bizdiń azamattar QHR aýmaǵyndaǵy Qazaqstannyń konsýldyq mekemeleriniń kez kelgen qyzmetkerimen tikeleı baılanysa alady.