Aldaǵy kúnderge arnalǵan aýa raıy boljamy.
«Qazgıdromet» mamandary 8-10 qyrkúıek kúnderi aýa raıy qandaı bolatynyn boljady, dep habarlaıdy Almaty-akshamy.kz.
El aýmaǵynyń basym bóliginde soltústik-batys sýyq antısıklony salqyn aýa raıyn saqtaıdy, tek Qazaqstannyń ońtústiginde áli jyly bolady.
«Atmosferalyq frontaldy bólikterdiń ótýimen respýblıkanyń basym bóliginde jańbyr jaýady: 08 qyrkúıekte shyǵysta, 10 qyrkúıekte batys, soltústik-batysta – qatty jańbyr, naızaǵaı, jeldiń kúsheıýi jáne burshaq jaýýy. Sondaı-aq túnde Qazaqstannyń soltústik-batysy men soltústiginde topyraq betinde 1 gradýsqa deıin úsik kútilýde»,- delingen «Qazgıdromet» habarlamasynda.
Eldiń soltústik jartysynda aýa temperatýrasy: túnde 2-12, kúndiz 15-25 jyly, batysta 2-14, kúndiz 10-24 jyly, ortalyqta jáne shyǵysta 1-18, kúndiz 15-32 jyly, ońtústik jartysynda 10-23, kúndiz 20-35 jyly bolady.