Mınıstrlik koronavırýs shtamy aınalymyna monıtorıńti jalǵastyryp jatyr.
Qazaqstannyń 12 óńirinde «stels-omıkron» shtamy anyqtaldy, dep habarlaıdy Almaty-akshamy.kz
Densaýlyq saqtaý mınıstrligi baspasóz qyzmetiniń aqparatynsha, bıyl sáýir-mamyr aılarynda júrgizilgen PTR skrınıngi nátıjesi boıynsha koronavırýstyń ártúrli shtamdary anyqtaldy. Barlyq óńirde BA.1 «omıkron» shtamy – 98,6%, onyń ishinde 12 óńirde BA.2 «stels-omıkron» – 36,7%, B.1.617-Delta – 1,4% anyqtaldy.
«PTR skrınıngi nátıjelerin rastaý úshin tolyq genomdy sekvenırleý júrgizildi. Onyń nátıjesi boıynsha BA.2 «stels-omıkron» shtamynyń 93,8%-i (Aqtóbe, Almaty, Atyraý, Shyǵys Qazaqstan, Qyzylorda, Qostanaı, Qaraǵandy, Mańǵystaý, Pavlodar, Soltústik Qazaqstan oblystary, Almaty jáne Nur-Sultan qalalary), BA.1 «omıkron» shtamynyń 6,2%-i (Atyraý, Qyzylorda, Qaraǵandy oblystary, Almaty jáne Nur-Sultan qalalary) aınalymy anyqtaldy», - delingen habarlamada.
Mınıstrlik eppıdemıologıalyq jaǵdaıdyń turaqtanǵanyna qaramastan, koronavırýsqa qarsy vaksınasıadan, revaksınasıadan ótýge keńes beredi.
Aıta keteri, qazirgi tańda Qazaqstanda koronavırýsqa qarsy vaksınanyń 3 túri bar (Pfizer, Sınofarm jáne QazVac). Sonyń ishinde ekeýin Dúnıejúzilik densaýlyq saqtaý uıymy maquldaǵan.